NEET UG 2026 परीक्षा रद्द , NTA कडून फेरपरीक्षेची घोषणा.
देशभरातील लाखो विद्यार्थ्यांसाठी महत्त्वाची बातमी समोर आली आहे. राष्ट्रीय परीक्षा संस्था National Testing Agency (NTA) ने 3 मे 2026 रोजी घेण्यात आलेली NEET UG 2026 परीक्षा रद्द करण्याचा निर्णय घेतला आहे. पेपर लीक आणि परीक्षेतील अनियमिततेच्या आरोपांनंतर हा मोठा निर्णय घेण्यात आल्याचे सांगितले जात आहे.
NTA ने स्पष्ट केले की, केंद्र सरकारच्या मान्यतेनंतर आणि तपास यंत्रणांकडून मिळालेल्या माहितीनुसार परीक्षा पुन्हा घेण्यात येणार आहे. नवीन परीक्षेच्या तारखा लवकरच जाहीर केल्या जाणार आहेत.
या निर्णयामुळे देशभरातील सुमारे 22 लाखांहून अधिक विद्यार्थ्यांवर परिणाम झाला आहे. विद्यार्थ्यांमध्ये संभ्रम आणि चिंता निर्माण झाली असून, सोशल मीडियावर विविध प्रतिक्रिया उमटत आहेत.
दरम्यान, या प्रकरणाची चौकशी करण्यासाठी CBI कडूनही तपास सुरू करण्यात आल्याची माहिती समोर आली आहे. विद्यार्थ्यांनी अफवांवर विश्वास न ठेवता अधिकृत संकेतस्थळ आणि NTA च्या अधिकृत घोषणांकडे लक्ष ठेवावे, असे आवाहन करण्यात आले आहे.
NTA कडून देण्यात आलेले नोटिफिकेशन डाऊनलोड करण्यासाठी पुढील लिंक वर क्लिक करा.